Sigursteinn frá Húsavík

Sigursteinn frá Húsavík IS2006166-017

Ætt:
Móðir: Miskunn frá Keldunesi
MF: Hnokki frá Árgerði
MM: Tinna frá Árgerði
Faðir: Hrymur frá Hofi
FF: Skorri frá Blönduósi
FM: Hlökk frá Hólum

Frábær klárhestur með úrvalsgóðar gangtegundir. Hann var sýndur í kynbótadómi í vor og gekk bara vel, fékk 8,06 í aðaleinkunn. Sköpulagsdómurinn kom okkur og þeim sem séð hafa hestinn nokkuð á óvart og var hann töluvert lægri en við áttum von á eða 7,91. Hann er þó með 8,0 fyrir frampart og 8,5 fyrir samræmi.

Fyrir hæfileika hlaut hann 8,15 þrátt fyrir að vera með 5,0 fyrir skeið. Það sem einkennir hann þó helst er einstakt geðslag og vilji. Hann hefur alla tíð verið ótrúlega þjáll og auðveldur og fús til að leggja sig allan fram um leið og hann er beðinn um afköst. Sannkallaður skemmtihestur eins og Bjarni Jónasar kallar hann.

Fleiri myndir:

Sigursteinn veturgamall

Sigur frá Húsavík
sammæðra Sigusteini


Fyljun:
2009: Þrem hryssum var haldið undir hann og fengu þær allar.
2008: Sex hryssum var haldið undir hann í sumar og fengu þær allar. Af þessum sex hryssum voru þrjár sem illa hafði gengið að halda áður.

Umsögn Valbergs og Þorvalds kynbótadómara um Sigurstein í ungfolaskoðun vorið 2008:

Höfuð: Það sem prýðir höfðið er bein neflína og fínleg eyru en augun mættu vera stærri til að gefa því meiri svip.

Háls, herðar og bógar: Lofa mjög góðu. Hálsinn er reistur og hátt settur og bógar eru skásettir.

Bak og lend: Bakið er breitt og lofar góðu, lendin er einnig ágætu lagi en mætti helst vera aðeins lengri.

Samræmi: Samræmi lofar ágætu. Folinn er langvaxinn með jafnan og frekar léttan bol.

Fótagerð: Ágætt átak á fótum.

Sigursteinn er með reistan og vel settan háls sem lofar mjög góðu. Hann sýnir einnig álitlegar hreyfingar

Kemur mjög vel til greina sem stóðhestefni.