Ópera frá Möðrufelli
IS2002265-520
- Ópera var sem fósturvísir flutt úr Ósk móður sinni í meðgöngumóður, Blessun frá Keldunesi. Það var samstarfsverkefni Vignis, Vilbergs og Matta. Hún er nú í eigu okkar og Vilbergs í Kommu en Matti á eitt folald undan henni. Á fjórða vetur var hún frumtamin hjá Mette Mannseth en var full viljug og ör til hægt væri að sýna hana þá. Því var ákveðið að láta hana eiga eitt folald. Á sjötta vetur var svo klárað að temja hana. Hún er mjög létt og skemmtileg og var í miklu uppáhaldi hjá Berglindi sem sá um þjálfun á henni þann veturinn. Ópera er frekar lítil en samsvarar sér vel og er mjög fríð. Hún var sýnd vorið 2008 af Jakobi Sigurðssyni og gekk bara nokkuð vel nema að okkur finnst 7,5 fyrir brokk allt of lítið eins og sjá má af videoinu af henni. Spennandi verður að hafa hana sem ræktunarhryssu á næstu árum enda skemmtileg blanda af ættum í henni. Berglind hefur oft haft á orði að Ópera sé skemmtilegasta hross sem hún hafi kynnst og bíður nú bara spennt eftir afkvæmunum undan henni.
