Kappi verður í heimhögunum í sumar, í Kommu hjá Vilberg ræktanda sínum.  Kappi kom fram í lokaatriðinu á stóðhestaveislunni á Sauðárkróki og sýndi vel það sem hann stendur fyrir, gullfallegur gæðingur :)  Barbara Wenzl hefur þjálfað hann í vetur með góðum árangri en þetta var í fyrsta skipti sem þau koma fram saman. 

 

Verð á folatolli er 150.000 með öllu (vsk. girðingargjaldi og sónar.

Upplýsingar og pantanir á berglind@husavikurhestar.is og í síma 868-9952

 

Kappi frá Kommu verður í notkun á suðurlandinu í sumar, á vegum Svanhildar Hall og Magga Lár hjá Úrvalshestum.  Kappi er núna í þjálfun hjá Mette Mansneth og er stefnt með hann á Landsmót í sumar.  Hann verður því í girðingu hjá þeim eftir LM og e.t.v. fyrr gangi plön um LM ekki eftir.  Við erum nú að temja fyrst afkvæmi Kappa sem er jafnfram það eina sem komið er á tamningaaldur.  Það er hann Viti frá Kommu og er hann á fimmta vetur.  Hann er ekki nema mánaðartaminn og rétt orðinn reiðfær.  Hann lofar bara góðu, er auðveldur og með dillandi mjúkt og rúmt tölt með góðum fótaburði.

Kappi er mættur í Fellskot og byrjaður að sinna merum. Mikið hefur verið pantað undir hann og hver að verða síðastur að tryggja sér pláss. Þeir sem eiga pantað geta haft samband við Maríu í S: 899-9612 þegar þeir vilja koma með hryssurnar. Greiða þarf staðfestingargjald, 25.000 m.vsk. sem er óafturkræft. Það þarf að greiðast áður en hryssunum er haldið. Hægt er að millifæra á reikn. 0567-14-400060 kt. 630708-0790. Eða hafa samband á berglind@husavikurhestar.is eða S: 868-9952.

Við höfum til gamans og fróðleiks tekið saman lista yfir hryssur sem hafa fengið við Kappa síðustu ár.

Hryssur 2008     Hryssur 2009    Hryssur 2010

Húsgangmál: Fellskot, Biskupstungum. Pantanir hjá Maríu (899-9612) eða Líneyju (899-8616).

Fyrra gangmál: Austur Landeyjar. Pantanir hjá Sigríki (893-7970).

Seinna gangmál: Hof, Höfðaströnd. Pantanir hjá Berglindi (berglind@husavikurhestar.is eða 868-9952).

Verð á tolli er 150.000 með öllu (hólfagj. sónarsk. og vsk.)

Búið er að staðfesta fyl í fyrstu hryssunni þetta árið við Kappa.  Sú heppna er engin önnur en Hnota frá Garðabæ sem er með hæstu hæfileikaeinkunn klárhryssa í heiminum að því er við best vitum. Þetta gæti því verið ræktun á framtíðar heimsmethafa :)

Búið er að skrá Kappa á kynbótasýningu í Hafnarfirði nú í lok mánaðarins. Hann hefur verið við góða heilsu þrátt fyrir kvefpestina sem herjað hefur á hans slóðum undanfarnar vikur. Við vonum að það þýði að hann sé búinn að smitast án þess að verða mjög veikur en eigi það ekki eftir. Höskuldur dýralæknir skoðaði hann um daginn og mat hann fullkomlega í lagi svo nú krossleggjum við alla fingur og tær og vonum að ekkert komi uppá.

     Þeir sem greitt hafa staðfestingargjald fyrir hryssur í sæðingar geta sett sig í samband við Höskuld dýralækni eða Ingólf á Dýrfinnustöðum þegar hryssurnar eru að byrja í látum.

Mikið hefur verið spurst fyrir um Kappa undanfarið. Margir eru að velta fyrir sér hver stefnan sé með hann og hvar hann verði næsta sumar. Því miður getum við lítið sagt að svo komnu. Kappi er í þjálfun hjá Mette og er stefnt með hann á Landsmót. Gangi það allt eftir verður hann líklega á einu löngu gangmáli eftir mótið. Það mun því ekki liggja endanlega fyrir hvernig þetta verður fyrr en líður á vorið.

Nú er búið að staðfesta fyl í 83 hryssum hjá Kappa í sumar og gætu einhverjar átt eftir að bætast við. Það stefnir í að fyljunarhlutfallið verði um 85%.

Kappi er nú kominn norður og var sleppt í hólf hjá hryssum um helgina. Hann lítur mjög vel út þó hann sé grannur eins yfirleitt. Þegar hann kom í Hof var hans fyrsta verk að sinna gæðingshryssunni Sefju frá Úlfljótsvatni. Auk Sefju eru fleiri góðar hryssur á leið undir hann, m.a. Hrönn frá Búlandi, Skrýtla frá Húsavík, Óskadís frá Tjarnarlandi, Ugla frá Kommu, Aría frá Grafarkoti, Spes frá Hólum og Tíbrá frá Hvanneyri.

Nú fer að styttast í að Kappi komi norður í Hof á seinna gangmál. Tekið verður á móti hryssum milli 16 og 18 nú á fimmtudaginn. Kappa verður svo sleppt í hólfið á laugardeginum. Mjög vel hefur gengið hjá honum á fyrra gangmáli fyrir sunnan. Hann er enn í góðum holdum og bíðum við spennt eftir að sjá hvernig sónarskoðun kemur út. Væntanlega verður skoðað frá honum kring um næstu helgi. Aðrar fréttir af Kappa eru þær að rautt folald er komið undan honum svo hann er ekki arfhreinn brúnn eins og okkur var farið að gruna. Við látum hér fylgja með mynd sem við vorum að eignast af Kappanum.

Það er nú löngu kominn tími á að við setjum inn einhverjar fréttir hérna. Um síðustu helgi fórum við á vígslu reiðhallar Léttis sem er vægast sagt glæsileg. Mikið var af góðum hrossum en sennilega stóðu uppúr sýningar á Fursta frá Stóra-Hofi, Auði frá Lundum, Auðsholtshjáleigubúið, Pipar-Sveini, Ösp og alsystir Gaums og Garps frá Auðsholthjáleigu.

        Í gær skruppum við svo vestur í Hof þar sem Mette sýndi okkur Kappa. Hann er í rosalega flottu standi, vöðvafylltur og flottur. Fyrst sýndi hún okkur hann inní reiðhöllinni og svo úti á reiðvelli. Gaman var að sjá hve flinkur og þjáll Kappi var hjá henni og gangtegundirnar góðar. Hér fylgja með nokkrar myndir sem við tókum.

Mikið hefur verið pantað undir Kappa undanfarnar vikur. Fullt er að verða á fyrra og seinna gangmáli. Hann verður fyrir sunnan á fyrra gangmáli en á húsi og seinna gangmáli í Skagafirði. Nóg er þó laust á húsnotkun. Við höfum nú sent út rukkun á staðfestingargjaldi og eru þeir sem ekki hafa einhverjum ástæðum fengið upplýsingarnar til sín, beðnir um að láta vita í símar 868-9952 eða á berglind@husavikurhestar.is

Í sumar var félagið Kappi frá Kommu ehf. stofnað og voru sömu eigendur að því og Kappa áður, það eru við og Vilberg í Kommu. Í dag keypti Hofstorfan, sem er í eigu Lilju Pálmadóttur á Hofi,

66 %  í Kappa frá Kommu ehf.  Þetta hefur legið fyrir í nokkurn tíma en núna þegar skrifað hefur verið undir pappírana er hægt að gera söluna/kaupin opinber. Við eigum áfram 17 %  eins og Vilberg.

Sónarskoðað var hjá Kappa frá Kommu 13. ágúst.  24 hryssur voru skoðaðar og reyndust 23 með fyli og sú eina sem var geld var í látum, það var Skrýtla okkar.  Alls voru 28 hryssur hjá honum en 4 voru ekki skoðaðar.  Tvær komu fyrir stuttu í hólfið og eigendur hinna tveggja óskuðu eftir að þær yrðu ekki sónaðar.  Við erum að vonum í skýjunum með þennan árangur hjá Kappanum enda var engin reynsla komin á hann sem stóðhest í þessum efnum.  Vegna þessarar frábæru útkomu stendur til að bæta í hólfið hjá honum enda er haginn þar mjög góður og hesturinn í góðu standi.  Þeir sem hafa áhuga á að nýta sér þetta geta haft samband við Vigni í síma 893-7901 eða Vilberg í síma 893-2842.  Þeir sem eiga merar sem eru fengnar og hafa verið látnir vita um það geta sótt þær um kl. 18 næstkomandi sunnudag.  Þá verður hópurinn rekinn saman í lítið hólf..

Við kíktum á Kappann okkar inní Eyjafirði um daginn.  Hann nýtur bara lífsins með 28 merum í mjög góðu hólfi með miklum haga.  Merarnar okkar voru í góðu standi, Hróðurssonurinn undan Dúsu er mjög fallegur en Rökkvadóttirin undan Gjóstu er frekar mikill kútur en lagast nú vonandi.  Ekki hefur enn verið ákveðið hvort sónað verði frá Kappa nú um miðjan ágúst.  Hólfið er nógu gott til að þessi hópur geti verið þar framá haust svo það er ekki þörf á því þess vegna.  Til greina kemur að bæta við merum hjá honum ef fækkar í hólfinu nú um miðjan ágúst svo ef einhverjir hafa áhuga á að nýta sér það geta þeir haft samband við Vigni í síma 893-7901.

       Á myndinni lengst til vinstri eru Gjósta og Dúsa með folöldin sín, á miðmyndinni er hópurinn hans Kappa og lengst til hægti er Kappinn sjálfur

13. júní

 

Hér er mynd af Kappa sem við tókum í dag.  Með því að smella hér komist þið á heimasíðuna hans og getið séð fleiri myndir af honum.  Við setjum svo bráðlega inn fleiri myndir af hryssunum.

Ekki er enn komin endanleg niðurstaða komin í það hvað verður gert við Kappa, hvar hann verður í sumar eða hvort hann verður seldur með einhverjum hætti en þetta er allt að skýrast.  Eftirspurning er þó töluvert meiri en framboðið af plássum undir hann.  Frétt dagsins er þó að Máttur var að koma úr dómi og er hægt að sjá hann með því að smella á nafnið hans

Á morgun förum við á Dalvík og tökum með okkur myndavél og videovél og setjum inn eins mikið efni og við getum. 

Landsmóti er lokið eins og flestir vita.  Það væri nú of langt mál að rekja allt sem þar gerðist en við getum nú aðeins sagt frá því sem okkur fannst standa uppúr.  Sýningar á Kappa gengu mjög illa.  Í kynbótadómnum á miðvikudeginum var hann mjög hræddur við umhverfið og lét ekki af stjórn.  Hann skítlækkaði frá sýningunni á Dalvík og var bara ekkert líkur sjálfum sér.  Þrátt fyrir þetta voru margir mjög hrifnir af hestinum og kom okkur ánægjulega á óvart hversu margir litu framhjá þessari uppákomu í dómnum.  Til dæmis var eftirfarandi klausa um hann í Eiðfaxa

,,Eigi að síður vakti hann og knapinn feikna athygli og nokkuð ljóst að Kappi hefur alla burði til að skapa nýja vídd í heimi hrossaræktar. Fengu þau góðar undirtektir þótt ekki tækist allt sem skyldi enda hreyfingar og útgeislun hestsins með ólíkindum."

     Á yfirlitssýningunni reif hann svo undan sér skeifu en var alveg rólegur, kláraði sýninguna og hækkaði mikið.  Í verðlauna-afhendingunni reif hann aftur undan sér nánast um leið hann kom inní brautina og þar með var það úti.  Margir virtust þó ekki átta sig á þessu og héldu bara að hann væri svona lélegur hjá Lauru, það er þá hér með leiðrétt :) Þetta var sumsé bara eins og í lygasögu alltsaman en allt er þegar þrennt er og vonumst við til að Kappi sé bara búinn með sínar uppákomur í bili.!!! 

Meira að segja hefur þeim sem hafa áhuga á að halda undir hann og/eða kaupa hlut í honum bara fjölgað.  Ýmsar sögur hafa gengið um sölu á Kappa en ekkert bólar á milljónunum 50 eða 100 sem eiga að hafa verið borgaðar fyrir hann.  Eigendur Kappa eru sömu og áður, Vilberg og Vignir.

Við eigum heimsmethafa!!!

Mál (cm):  144   135   139   62   143   35   46   42   6,7   31,0   19,0  
Hófa mál:  V.fr. 9,1   V.a. 8,0  

 

Aðaleinkunn: 8,42